لائیو دیکھیں !
سالانہ سہ روزہ عالمی روحانی ریاضت
30th October – 1st November 2023
کیا ہے
سالانہ سہ روزہ عالمی روحانی ریاضت
اگلے 3 روز(30 اکتوبر تا یکم نومبر 2023) سالانہ عالمی روحانی ریاضت کے موقع پر، روحانی پیشوا مخدوم محمود مستوار قلندر نماز عشاء کے بعد لائیو ہوں گے تاکہ مقامی اور بین الاقوامی طور پر شرکت کرنے والے طالبان معرفت پر تصوف کے اسرار و رموز آشکار کر سکیں ۔ خصوصی اذکار بشمول ختم خواجگان اور دیگرقادریہ قلندریہ سلسلے کے خاص اوراد اور اذکار کا بھی اہتمام کیا جائے گا ۔ دنیا بھر سے دوسرے طالبان حق (مریدین) جن میں خواتین و حضرات بھی شامل ہیں۔ بھی اس پروگرام کے بارے میں اپنے خیالات ، روحانیت کی راہ میں پیش آنے والے واقعات اور جذبات کا اظہار کرتے ہیں، خاص طور پر مخدوم محمود مستوار قلندرسے اپنی عقیدت و محبت کا خصوصی اظہار بیان اور عارفانہ کلام کی شکل میں کرنے کی روایت ان نشستوں کی کیفیت کو مزید دوبالا کر دیتی ہے اور یاران طریقت کے روحانی مسرت اور کیف میں اضافے کا سبب بنتی ہے ۔
طالبانِ معرفت ۔ سہ روزہ سحر و افطار
اس سہ روزہ روحانی اعتکاف کے موقع پر، روحانیت کے متلاشی طالبان حق تین دن روزہ کا اہتمام کرتے ہیں اور خلوت اختیار کر کے شب و روز مراقبے، عبادت، اذکار اور تفکر میں مشغول رہتے ہیں۔ اس تقریب میں انفرادی طالب علم کی صلاحیت کے مطابق، مخدوم محمود مستوار قلندر خاص طور پر مختلف قسم کے اذکار یا تو قرآنی آیات کی شکل میں یا اللہ کے پاک ناموں کو بطور وظیفہ یا تسبیح (ایک مخصوص تعداد اور طریقہ سے پڑھنا) تفویض کرتے ہیں۔
ذکرِ الٰہی
الغرض سہ روزہ روحانی ریاضت کے دوران طالبان حق دن بھرمختلف عبادات جیسے روزہ، نماز، اذکار، وظائف اورمراقبے کی شکل میں یاد الٰہی میں مصروف رہتے ہیں ۔
اور رات میں مخدوم محمود مستوار قلندر کی روزانہ رات کی مجلس میں شرکت کرتے ہیں تاکہ قلندر وقت کی صحبت سے فیضیاب ہو کر اپنے قلب و باطن کو نورالٰہی سے منورکر سکیں
فَاذۡکُرُوۡنِیۡ اَذۡکُرۡکُمۡ
پس مجھے یاد کرو میں تمہیں یاد کروں گا ۔ (البقرۃ : ۱۵۲)
